Акафист Анастасии Узорешительнице: от суда, тюрьмы и плена

Акафист – разновидность церковного песнопения, которую можно услышать во время богослужений. Читающий акафист обращается к высшим силам, например к Господу, ангелам или святым. Каждый текст посвящен отдельным персоналиям и читается по особым случаям. В данной статье мы рассмотрим акафист Анастасии Узорешительнице.

О святой

Кто такая Анастасия Узорешительница, и почему ей молятся православные христиане? Родилась святая в III в. н. э. в Риме. Ее отец был язычником, а мать тайно исповедовала христианство. Именно она позаботилась о том, чтобы воспитанием девушки занимался святой Хрисогон, который обучил Анастасию основным аспектам христианской веры.

Икона Анастасии Узорешительницы

После того как мать девушки умерла, ее отец выдал дочь замуж за язычника. Чтобы сохранить принесенный обет девства, Анастасия лгала своему мужу о болезни, которая якобы мешает их интимной близости. В силу своего характера дева помогала заключенным христианам, которых в то время в Риме было очень много. Она переодевалась в одежду нищенки и втайне приносила им пропитание и ухаживала за их ранами. Однако ее муж вскоре узнал об этом и запретил жене покидать дом.

После смерти супруга святая стала путешествовать по Риму, помогая несчастным и обездоленным. Однако вскоре ее заточили в тюрьму, узнав о ее истинной вере. Когда она предстала перед жрецом, он предложил ей выбор: жизнь в достатке при выборе язычества или пытки, если она выберет христианство. Дева не колеблясь выбрала пытки, однако когда жрец решил перед началом экзекуции осквернить пленницу, он вдруг ослеп, как только к ней прикоснулся.

Святая снова оказалась на свободе, и еще какое-то время помогала несчастным. Когда ее поймали в последний раз, ее пытались казнить несколькими способами: заморить голодом и утопить. Однако ни один из способов не возымел действия. В конце концов, ее растянули на четырех столбах над костром. Когда гонения на христиан закончились, на месте погребения мученицы возвели церковь.

Считается, что чтение акафиста помогает облегчить участь тех, кто находится в плену или в местах лишения свободы. Актуален акафист и для близких родственников осужденных. Молитву можно читать перед судебным заседанием, чтобы удача сопутствовала вам. Особенно рекомендуется, если существует риск тюремного заключения.

Мученица покровительствует также беременным женщинам и их родственникам. Если женщина хочет попросить святую о помощи при родах, она может прочесть молитву. Также можно приобрести медальон с изображением святой, и носить его с собой. Акафист читается в случаях, когда существует угроза осложнений при родах.

И помните, что если вы обращаетесь к святой с чистым сердцем, она обязательно вас услышит.

Видео «Акафист Анастасии Узорешительнице»

В этом видео вы можете прослуашать аудиозапись акафиста Анастасии Узорешительнице с субтитрами.

Текст акафиста Анастасии Узорешительнице

Кондак 1

Избранней угоднице Христовой, всеблаженней великомученице Анастасии похвальное пение приносим, яко имущей многое дерзновение ко Господу еже от всяких бед, скорбей и болезней свобождати верныя, и с любовию взываем сице:

  • Радуйся, всеблаженная великомученице Анастасие, узников святая посетительнице и молитвеннице о душах наших.

Икос 1

Ангелом уподобилася еси разумом чистым, познавши Того, Иже есть всего видимаго и невидимаго вечное начало и единый конец желаний всех благочестивых; мы же, восхваляюще мудрое обучение твое от святаго мученика Хрисогона, с любовию вопием ти:

  • Радуйся, возлюбившая веру Христову; радуйся, последовавшая благочестию матере твоея Фавсты.
  • Радуйся, соблюдшая чистоту девства твоего; радуйся, всегда невидимо охраняемая Ангелами.
  • Радуйся, чистотою твоею к Богу приблизившаяся.
  • Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 2

Видящи святая Анастасия, яко мнози христиане страждут в темницах за Имя и учение Иисус Христово, начат со усердием служити им, утешати же и целити я, содействующу Богу, со благоговением поющи: Аллилуиа.

Икос 2

Уразуме богомудрая Анастасия, яко вся мира сего красная тлению причастна суть, и того ради презревши светлыя одежды и утвари многоценны, тайно оболкшися во одежды нищих, вхождаше в темницы послужити исповедником Христовым; мы же, мысленно споследствующе ей, взываем к ней с любовию:

  • Радуйся, посетительнице заключенных в темницах; радуйся, утешительнице исповедников Христовых.
  • Радуйся, злато и сребро твое на них расточившая; радуйся, теми стяжавшая Царствие Небесное.
  • Радуйся, руце и нозе святых омывавшая и власы их очищавшая; радуйся, подражательнице Христова.
  • Радуйся, недуги их врачевавшая; радуйся, телеса их честне погребавшая.
  • Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 3

Силою укрепляема свыше, святая мученице, послужи благочестно святым и посрами ненавистника всякия добродетели диавола, наустившаго рабыню открыти деяния твоя пред мужем неверным; мы же, восхваляюще благотворения твоя, Анастасие, поем вкупе с тобою: Аллилуиа.

Икос 3

Имущи великую любовь о Господе ко всем, в темницах страждущим за имя Христово, еяже ради множицею биена бывши от невернаго мужа, напоследок в дому его себе темницу обрете; темже мужеству ея дивящеся, вопием к ней:

  • Радуйся, заповедей Христовых усердная хранительнице: радуйся, не словом точию, но и делом сия исполнившая.
  • Радуйся, душу свою за други положити готовая; радуйся, многое озлобление за Христа приявшая.
  • Радуйся. терпением своим адаманту крепкому уподобившаяся.
  • Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 4

Бурю ярости своея воздвиже на тя нечестивый мучитель муж твой, яко пленницу и рабу вмени тя, святая Анастасие; мы же, воспоминающе озлобления от него и страдания твоя, поем укреплявшему тя Господу: Аллилуиа.

Икос 4

Слыша блаженная Анастасия, яко много претерпе святый учитель ея Хрисогон за Христа, ему же и последова страданьми своими и тайно восписа ему сице: «Учителю! Чаю умрети и ничтоже ино остается, точию да испустивши дух, паду мертва». Мы же, чудящеся терпению твоему, глаголем сице:

  • Радуйся, не пощадившая плоти своея честныя; радуйся, желавшая расточити богатство твое Бога ради неимущим.
  • Радуйся, мудро куплю деющая; радуйся, едино имущая попечение о страждущих во узах.
  • Радуйся, с усердием им служившая; радуйся, небоязненно входившая в темницы.
  • Радуйся, невозбранно вшедшая в Чертог Небесный.
  • Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 5

Яко боготечная звезда явилася еси в римстей стране, великомученице Анастасие, посещающи страждущих за Христа в темницах и сердца их в вере утверждающи, да присно взывают с тобою Спасителю всех Богу: Аллилуиа.

Икос 5

Виде тя богоносный учитель твой Хрисогон в смущении и волнении мира сего сущу, повеле с пророком взывати тебе: «Вскую прискорбна еси, душе моя, и вскую смущаеши мя, уповай на Бога», мы же, поминающе скорбь и печаль твою, яже по Бозе, зовем ти:

  • Радуйся, возложившая все упование твое на Господа; радуйся, претерпевшая тесноту Царствия ради Небеснаго.
  • Радуйся, чистотою твоею со Ангелы жити на небесех сподобившаяся; радуйся, скорбьми твоими к Богу приблизившаяся.
  • Радуйся, сподобльшаяся зрети разумными очесы Господа Вседержителя; радуйся, молитвами твоими избавляющая нас от многих скорбей.
  • Радуйся, ходатайством твоим свобождающая от искушений.
  • Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 6

Проповедует весь мир христианский честныя подвиги твоя, великомученице Анастасие, и страдания твоя славит, мученическую кончину твою ублажает и поет Богу: Аллилуиа.

Икос 6

Возсияла еси паче солнца добродетельми твоими в великом граде Риме, егда исполнися предречение учителя твоего святаго Хрисогона о погибели безбожнаго мужа твоего. Свободна бо сущи, с вящшим усердием начала еси пещися о мученицех Христовых; мы же, взирающе с любовию на деяния твоя, глаголем ти сице:

  • Радуйся, усердная помощнице страждущим; радуйся, божественными словесы утешавшая друзей Христовых.
  • Радуйся, наставнице, имевшая велие попечение о трех девах: Агапии, Хионии и Ирине; радуйся, тех на подвиг мученичества укрепившая.
  • Радуйся, честная тела их на избранном месте положившая; радуйся, ум твой горе имевшая.
  • Радуйся, сердце твое жилище Святаго Духа соделавшая; радуйся, огнем любви к Богу всецело возгоревшая.
  • Радуйся, в крове крил Его небесный покров обретшая; радуйся, мужеством твоим врага спасения до конца низложившая.
  • Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 7

Хотение святаго Хрисогона, еже умрети за Христа, исполнися Божиим Промыслом; егда же узрела еси честныя мощи своего учителя страстотерпца, любезно их лобызающи, восплакалася еси, из глубины души износящи Богу песнь: Аллилуиа.

Икос 7

Новую благодать и силу дарова тебе Господь наш, егда восприяла еси подвиг преходити из града в град, посещающи во узах седящих. Мы же, последующе странствованию твоему, умильно вопием ти:

  • Радуйся, последовательнице стопам Христовым; радуйся, служительнице многим святым.
  • Радуйся, отрадо тяжко испытуемых; радуйся, надеждо ненадежных.
  • Радуйся, златом твоим купующая свободу верным от уз темничных; радуйся, Божественными словесы узы страха разрешающая.
  • Радуйся, молитвами твоими избавляющая нас уз греховных; радуйся, узорешительнице проименованная.
  • Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 8

Странствование твое со святою мученицею Феодотиею многим ослабу подаде: болящим дарова исцеление, многим умершим уготова погребение, живым на вящшия подвиги добродетели укрепление; нас же недостойных сподоби, святая, молитвами твоими пети разумно Богу: Аллилуиа.

Икос 8

Вся храмина темницы исполнися многим плачем и рыданиями твоими, егда рано притекши в ню по обычаю твоему и ни единаго же обретши от узник, за имя Христово всажденных, вси бо в нощь едину повелением злочестиваго царя смерти преданы быша; мы же, вспоминающе скорбь твою о друзех Божиих, взываем тако:

  • Радуйся, со усердием поискавшая в темницах рабов Христовых; радуйся, паки обретшая тех в небесных селениих.
  • Радуйся, вземшая с любовию на рамо свое крест Господень; радуйся, сподобльшаяся всюду зрети разумными очесы Господа Вседержителя.
  • Радуйся, за любовь твою к ближним велие дерзновение к Богу стяжавшая; радуйся, врачевание больным ниспосылающая.
  • Радуйся, Божиим велением полумертвых возставляющая; радуйся, чистотою уневестившаяся Христу.
  • Радуйся, великомученице прославленная.
  • Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 9

Нечестивии мучителие совет сотвориша на тя, страстотерпице непобедимая, хотяще приклонити тя ко идольскому служению; ты же небоязненно взывала еси к ним: «Раба Христова есмь, и пою Ему день и нощь: Аллилуиа».

Икос 9

Витийствова с тобою начальнейший жрец идольский, хотяй лестию уловити святую душу твою; ты же, познавши всю хитрость вражию, посрамила еси мучителя и пременила вся злая во благая, безтрепетно взирающи на орудия мучительская и на вся муки; мы же, дивящеся мужеству твоему, зовем ти умиленными гласы:

  • Радуйся, отвергшая вся мира сего красная; радуйся, избравшая прияти различныя муки за Христа.
  • Радуйся, с любовию на смерть идти возхотевшая; радуйся, и самех мучителей терпением твоим удивившая.
  • Радуйся, страданиями твоими Церковь Христову украсившая; радуйся, избравшая жизнь вечную — Христа.
  • Радуйся, жреца идольскаго посрамившая; радуйся, демоны ногама твоима поправшая.
  • Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 10

Спастися всем хотящим людям споспешествуй молитвами твоими, великомученице, пред Господем и испроси разрешение грехов почитающим страдания твоя, да вопием с тобою: Аллилуиа.

Икос 10

Царя Небеснаго возлюби всем сердцем своим святая Анастасия и в темницу ввержена бысть за Сладчайшаго Иисуса, надолзе гладом и жаждею истаявающи и молитвою укрепляющися; темже прославляюще тоя честная страдания, возсылаем к ней пение таковое:

  • Радуйся, последовательнице страстем Христовым; радуйся, украсившаяся победоносною славою.
  • Радуйся, земною темницею в Небесный Чертог востекшая; радуйся, тамо с мученики водворившаяся.
  • Радуйся, молитвою твоею у Престола Божия воспоминающая нас; радуйся, узы греховныя скоро разрешающая.
  • Радуйся, демоны от человек прогоняющая; радуйся, разбойники на путь правды наставляющая.
  • Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 11

Пение всеумиленное приносим ти, прославляюще твоя за Христа страдания, и молим тя: святая страстотерпице, испроси у милостиваго Господа всем людем здравие, долгоденствие и на враги победу и одоление. Нам же, восхваляющим мучения твоя, подаждь мир и спасение, да поем Богу во веки: Аллилуиа.

Икос 11

Светлым и радостным лицем последовала еси на страдание, уготованное ти от мучителей, еже помышляюще с радостию зовем:

  • Радуйся, в темнице Иллиристийстей гладом моримая; радуйся, питавшаяся надеждою своею – Христом.
  • Радуйся, от потопления на мори Божиим смотрением избавльшаяся; радуйся, меж четырех столпов протяженная.
  • Радуйся, уподобльшаяся распятому на Кресте Сыну Божию; радуйся, жегомая огнем даже до смерти.
  • Радуйся, Узорешительнице, от уз и плоти разрешившаяся.
  • Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 12

Благодать свыше ниспосли всем нам, притекающим с любовию к иконе твоей, и испроси у Господа прощение согрешений наших, болящим же и страждущим исцеление, да благодарственно вси вопием дивному во святых Богу: Аллилуиа.

Икос 12

Поюще подвиги твоего вольнаго мучения за Христа, покланяемся страданию твоему, великомученице досточудная, почитаем святую кончину твою и молим тя, простри твою с небесе помощь и на нас, живущих во тьме страстей и искушений и вопиющих ти:

  • Радуйся, великомученице святая; радуйся, принесшая тело свое в богоприятную жертву во многообразных мучениих.
  • Радуйся, горлице, взлетевшая во Иерусалим Вышний; радуйся, чистая и непорочная невесто Христова.
  • Радуйся, кадильнице духовная, фимиам молитвы о нас к Богу приносящая; радуйся, сокровищнице исцелений неоскудная.
  • Радуйся, чаше даров Божиих преизобильная; радуйся, всех благих желаний скорая исполнительнице.
  • Радуйся, светлый образе жития всем чающим спасения.
  • Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 13

О многострадальная и предивная святая великомученице Анастасие! Нынешнее наше малое моление приими от недостойных раб твоих, с любовию приносимое тебе, и испроси нам у Христа Бога греховных уз разрешение, да избавимся молитвами твоими гнева Божия и вечнаго осуждения, и да удостоимся в Небесном Царствии купно с тобою во веки пети Богу: Аллилуиа.

Этот кондак читается трижды, затем 1-й икос «Ангелом уподобилася еси…» и 1-й кондак «Избранней угоднице Христовой…».

Если вы нашли ошибку, пожалуйста, выделите фрагмент текста и нажмите Ctrl+Enter.

Оставить отзыв — мнение

К началу

Сообщить об опечатке

Текст, который будет отправлен нашим редакторам: